საქართველოში სტაციონალურ მკურნალობას 1000 ფსიქიკური პრობლემის მქონე პაციენტი გადის, ხოლო დანარჩენები ამბულატორიულს. ამის შესახებ ჟურნალისტებს ორგანიზაცია „თანამშრომლობა თანაბარი უფლებებისათვის" ხელმძღვანელმა ნანა ზავრადაშვილმა პარლამენტში ფსიქიკური ჯანმრთელობის რეფორმასთან დაკავშირებული დიკუსიის დარულების შემდეგ განუცხადა.
მისი მტკიცებით, საქართველოში ფსიქიკური აშლილობის პაციენტების მომსახურებით, კმაყოფილებამ იმატა, კერძოდ კი 50 ფსიქიკური დაავადების პაციენტის გამოკითხვამ აჩვენა, რომ მათი უმრავლესობა კმაყოფილია იმ ახალი პირობებით, რომელიც მათ სახელმწიფომ შესთავაზა.
„საქართველოში ფსიქიკური აშლილობის პაციენტების მომსახურებით, კმაყოფილებამ იმატა. გამოკვლევებმა უჩვენა, რომ ისინი კმაყოფილი არიან თანამედროვედ აღჭურვილი ახალი საავადმყოფოებით, ახალი პირობებით, რომელიც მათ სახელმწიფომ შესთავაზა. მაგრამ ხაზი უნდა გავუსვათ, რომ ხარისხი წამოუდგენელია ადამიანის უფლებების გათვალისწინების გარეშე, თუ არ იქნება დაცული მისი ღირსება და პატივისცემა, როგორც მომსახურე პერსონალის ასევე მთელი საზოგადოების მხრიდან", - აღნიშნა ზავრადაშვილმა.
ზავრადაშვილის განმარტებით, აუცილბებია მსოფლიო ჯანდაცვის ორგანიზაციის მიერ შემუშავებული სტრატეგიის „ფსიქიკური ჯანმრთელობა - ადამიანის უფლებების" საქართველოს სინამდვილესთან ადაპტაცია მოხდეს, რაც პაციენტების უფრო მეტ ჩართულობას ითვალისწინებს მკურნალობის პროცესში, კერძოდ კი შეძლებისდაგვარად მათ უნდა ჰქონდეთ ინფორმაცია საკუთარი დაავადების, მკურნალობისა და მისი გვერდითი ეფექტების შესახებ.
