"ქრისტიან-დემოკრატები" რეგიონებში შეზღუდული შესაძლებლობების მქონე 5-დან 18 წლამედე ასაკის ბავშვების დაზღვევას ითხოვენ. ამის შესახებ დღეს, პარლამენტში გამართულ ბრიფინგზე ფრაქცია "ქრისტიან-დემოკრატების" წევრმა მაგდა ანიკაშვილმა განაცხადა.
მისი თქმით, საუბარია დაახლოებით 3 ათას ბავშვზე, რომლებიც საქართველოს რეიგონებში ცხოვრობენ და მათ დაზღვევას მოქალაქეთა ჯანმრთების დაზღვევის პროგრამა არ ითავლისწინებს.
"დედაქალაქის მთავრობა დღეს ჯანდაცვის პოლისებით უზრუნველყოფს ყველას, ვინც პენსიას იღებენ, მათში შედიან 5-დან 18 წლამდე ასაკის შეზღუდული შესაძლებლობების მქონე ბავშვები, თუმცა ამ კატეგორიის ბავშვების დაზვღევა რეგიონებში არ ხდება, რაც დისკრიმინაციული მიდგომაა", - აცხადებს ანიკაშვილი.
დეპუტატის თქმით, დაზღვევის პაკეტის გარეშე დარჩენილ ბავშვებისთვის სულ 200 ათასი ლარის გამოყოფაა საჭირო სახელმწიფო ბიუჯეტიდან.
"ჩვენ ამ კატეგორიის ბავშვების დაზღვავა მთავრობას არაერთხელ ვთხოვეთ, თუმცა მათი მხრიდან პასუხი ამ დრომდე არ მიგვიღია", -აცხადებს ანიკაშვილი.
