ხვალ, 23 თებერვალს, კამპანიის - "ეს შენ გეხება" - ფარგლებში არასამთავრობო და მედია ორგანიზაციები თბილისის სხვადასხვა უბანსა და ქალაქებში მოსახლეობისთვის საინფორმაციო აქციას გამართავენ. საინფორმაციო აქცია 13:00 საათზე თბილისის 7 უბანსა და საქართველოს 8 ქალაქში ერთობლივად დაიწყება. როგორც აქციის ორგანიზატორები აცხადებენ, საქართველოს მოქალაქეებს დეტალურად აუხსნიან, თუ რა შეზღუდვებს უწესებს მათ ახალი საარჩვენო კანონმდებლობა.
აქციის მიმდინარეობისას დარიგდება საინფორმაციო ბროშურები, აგრეთვე გაგრძელდება არასამთავრობო და მედიაორგანიზაციების ერთობლივ პეტიციაზე ხელმოწერები. მოქალაქეებს შეეძლებათ, ინდივიდუალურად შეუერთდნენ პეტიციას და მოითხოვონ კანონმდებლობის შეცვლა.
