იუსტიციის უმაღლესი საბჭოს წევრების დანიშვნისას პრეზიდენტი და პარლამენტი კანდიდატების მორალურ და ეთიკური მხარს უნდა იცნობდნენ.
აღნიშნული ვალდებულება პრეზიდენტსა და პარლამენტს "საერთო სასამართლოების შესახებ" კანონში ცვლილებების პროექტით ეკისრებათ.
კანონის 47-ე მუხლის მეექვსე ნაწილს 61 ემატება, რომლის თანახმადაც, იუსტიციის უმაღლესი საბჭოს წევრების დანიშვნისას/არჩევისას საქართველოს პრეზიდენტი და პარლამენტი ითვალისწინებენ კანდიდატის პროფესიულ გამოცდილებას, მის მორალურ რეპუტაციას და ეთიკურ სტანდარტებს.
შეგახსენებთ, რომ არსებული რეგულაციით, საქართველოს იუსტიციის უმაღლესი საბჭო შედგება სასამართლო ხელისუფლების, საქართველოს პარლამენტისა და საქართველოს პრეზიდენტის მიერ გამწესებული 15 წევრისგან.
