2004 -2011 წლებში საქართველოში ფულადი გზავნილების ბაზარი დაახლოებით 4,5 ჯერ (448%), 300 მლნ. აშშ დოლარიდან 1,4 მლრდ. აშშ დოლარამდე გაიზარდა.
კვლევაში აღნიშნულია, რომ საანგაროშო პერიოდში ჩარიცხვები გაიზარდა 4,9-ჯერ, გადარიცხვები 2,2-ჯერ; 2010-2011 წწ. გზავნილებში გათვალისწინებულია მიკროსაფინანსო ორგანიზაციების საშუალებით განხორციელებული ოპერაციები.
„ამ პერიოდში საქართველოში მთლიანობაში 6,246 მლრდ. აშშ დოლარი ჩაირიცხა, საქართველოდან კი 740,7 მლნ. აშშ დოლარი გადაირიცხა. 2004-2011 წწ. ჩარიცხვების დინამიკა, მხოლოდ ერთხელ 2009 წელს შემცირდა 16%-ით, რაც მსოფლიო გლობალური კრიზისით შეიძლება აიხსნას. ჩარიცხვების მაქსიმუმი 2011 წელს დაფიქსირდა 1,268 მლრდ. აშშ დოლარი"- ნათქვამია ,,ილიაუნი ბიზნეს რევიუში".
კვლევის მიხედვით დგინდება, რომ გადარიცხვების მაქსიმუმი კი 2006 წელს დაფიქსირდა (133 მლნ. დოლარი), 2009 წლამდე შემცირების ტენდენცია ფიქსირდებოდა, 2010 წელს გაიზარდა 37.6%-ით, 2011 წელს კი ისევ 3%-ით შემცირდა.