"ქართული დესერტის დღეს" საქართველოში აკრედიტებული დიპლომატიური კორპუსის, საერთაშორისო ორგანიზაციების და სხვადასხვა სახელმწიფო უწყების წარმომადგენლები დაესწრებიან. მოწვეულ სტუმრებს შორის იქნებიან როგორც სავაჭრო ობიექტების და დიდი სუპერმარკეტების ("გუდვილი", "იოლი", "პოპული" და ა.შ.) ხელმძღვანელები, ასევე სადისტრიბუციო კომპანიების წარმომადგენლები.

ქართული ნუგბარის გამოფენაში მონაწილეობას ჩურჩხელების მწარმოებელი კომპანიები ("კერნელი", კოოპერატივი დინასტია", "ბადაგი", "Dr George")', ჩირის მწარმოებელი კომპანიები ("დოვლი", ი.მ. "სერგო მამულაშვილი", "geo flower"), სუნელ-სანელებლების კომპანია "გეო", თაფლის მწარმოებელი კომპანიები (ი.მ. "ზაზა გალდავა", ი.მ. "როლანდ ზირაქიშვილი", "ალავერდის მონასტრის თაფლი"), ასევე მზესუმზირის მწარმოებელი კომპანია "ბელიჩკა" მიიღებენ.

რესტორან "ფაეტონში" ქართული ნუგბარის გამოფენა-გაყიდვის მიმდინარეობისას, დამსწრე საზოგადოებას ადგილზე დამზადებული ჩურჩხელისა და გოზინაყის დაგემოვნების საშუალება მიეცემა.
სოფლის მეურნეობის სამინისტროს ხელშეწყობით, ამ ტიპის გამოფენები რეგულარულად გაიმართება. ეს ხელს შეუწყობს ქართული კომპანიების და ეროვნული პროდუქციის პოპულარიზაციას როგორც ადგილობრივ, ისე საერთაშორისო ბაზრებზე.