ახალ სამშობიარო ცენტრს ლიცენზია დღეიდან დროებით შეუჩერდა, - ამის შესახებ საქართველოს პრემიერ-მინსიტრმა ნიკოლოზ გილაურმა დღეს მთავრობის სხდომაზე განაცხადა.
მისი თქმით, სამშობიარო ცენტრში ახალგაზრდა ქალის გარდაცვალების შემდეგ, მან ჯანდაცვის მინისტრს დაავალა შეესწავლა მომხდარი ინცინდენტი, ასევე აკმაყოფილებდა თუ არა საავადმყოფო სალიცენზიო პირობებს.
"საავადმყოფოს პრივატიზაცია ერთი წლის წინ მოხდა, რომელიც ფაქტიურად კოლექტივმა შეისყიდა. სამწუხაროდ, შესწავლის შემდეგ აღმოჩნდა, რომ სამშობიარო ცენტრი სალიცენზიო პირობებს ვერ აკმაყოფილებს. შესაბამისად მივიღეთ გადაწყვეტილება დღეიდან ლიცენზია დროებით შეუჩერდეს ამ დაწესებულებას", - აღნიშნა გილაურმა.
მისივე თქმით, სამშობიარო ცენტრისთვის ლიცენზიის აღდგენა მას შემდეგ მოხდება თუ მისი მფლობელები საავად მყოფოში შესაბამის აღჭურვილობას შეიტანენ. ამასთან, პრემიერ-მინისტრმა დღეს გარდაცვლილის ოჯახსაც მიუსამძიმრა და მომხდარის გამო მწუხარება გამოთქვა.
