კოტე მარჯანიშვილის სახელობის სახელმწიფო დრამატული თეატრი შოთა რუსთაველის სახელობის თეატრისა და კინოს სახელმწიფო უნივერსიტეტთან თანამშრომლობას აგრძელებს.
"ოთხი წელია, თეატრი სხვენს უთმობს სარეჟისორო ფაკულტეტის სდუდენტების მიერ დადგმულ სპექტაკლებს. მარჯანიშვილის თეატრმა სტუდენტებს კომფორტული გარემო შეუქმნა: დაუთმო სარეპეტიციო სივრცე და საშუალება მისცა ემუშავათ პროფესიონალ მსახიობებთან. ასევე თეატრისა და კინოს სახელმწიფო უნივერსიტეტის სტუდენტები პერიოდულად უფასოდ ესწრებიან სპექტაკლებს", - განუცხადა "ჯი-ეიჩ-ენს" კოტე მარჯანიშვილის თეატრის საზოგადოებასთან ურთიერთობის სამსახურის ხელმძღვანელმა თამუნა ლალიაშვილმა.
იდეა მარჯანიშვილის თეატრის სამხატვრო ხელმძთვანელს ლევან წულაძეს ეკუთვნის. ამ ექსპერიმენტის მონაწილეები მისივე სტუდენტები არიან.
აღსანიშნავია, რომ პროექტის ფარგლებში ბოლოს სპექტაკლის "კრეპის უკანასკნელი ფირის" პრემიერა გაიმართა (რეჟისორი ნიკოლოზ ლუარსაბიშვილი).
