6 წლის ბავშვი მოყინვის დიაგნოზით დამწვრობის ცენტრში მოათავსეს. ბავშვი გურჯაანიდან 5 დღის დაგვიანებით გადმოიყვანეს, სადაც მას გადაუდებელი მკურნალობა უტარდება. გოგონას მესამე ხარისხის მოყინვა აღენიშნება. სავარაუდოდ ბავშვი თოვლში სველი ფეხებით დიდხანს იმყოფებოდა. რამაც ტერფებისა და თითების მოყინვა გამოიწვია.
"6 წლის გოგონა გურჯაანიდან გადმოიყვანეს. მოეყინა მარჯვენა ქვედაკიდურები. ხუთივე თითის მოყინვა აღენიშნებოდა. სამწუხაროდ, აქაც დაგვიანებული შემთხვევა იყო. 5 დღის განმავლობაში სახლში ყავდათ და შინაურ მალამოს უსმევდნენ", - განაცხადა დამწვრობის ცენტრის დირექტორის მოადგილემ, გუგა ქაშიბაძემ.
დამწვრობის ცენტრში მოყინვის დიაგნოზით სულ 8 პაციენტი მკურნალობს. მათგან სამს ქირურგიული ჩარევა დაჭირდა.