საქართველო ელექტროენერგიის ექსპორტიორის ნაცვლად შესაძლოა იმპორტიორი გახდეს. როგორც ენერგეტიკისა და ბუნებრივი რესურსების მინისტრის პირველი მოადგილე მარიამ ვალიშვილი აცხადებს, თუ ქვეყანაში დიდი სიმძლავრის ჰიდროელექტრო სადგურების მშენებლობა არ დაიწყება, მაშინ 2015 წლიდან საქართველო ექსპორტიორის ნაცვლად ელექტროენერგიის იმპორტიორი ქვეყანა გახდება.
ვალიშვილის განმარტებით, წლიდან-წლამდე საქართველოში ელექტროენერგიაზე მოთხოვნა იზრდება. მინისტრის მოადგილე აცხადებს, რომ ის მცირე ელექტროსადგურები, რომელთა მშენებლობა დაწყებულია, ან უახლოეს პერიოდში დაიწყება, სამომავლოდ ქვეყნის შიგნით ელექტროენერგიაზე მოთხოვნის დაკმაყოფილებას ვეღარ შეძლებას და წარმოიქმნება დეფიციტი, რომლის შევსებაც საქართველოს მეზობელი რესპუბლიკებიდან მოუწევს.
მარიამ ვალიშვილის განცხადებით, ბოლო ერთ წელიწადში ელექტროენერგიის მოხმარება 1 მლრდ. კვტ/სთით გაიზარდა.
ქვეყნის შიგნით კი მზარდ მოთხოვნას ენერგეტიკისა და ბუნებრივი რესურსების მინისტრის მოადგილე ცხოვრების დონის გაუმჯობესებას უკავშირებს. ვალიშვილის განმარტებითვე, ელექტროენერგიაზე მზარდი მოთხოვნა განაპირობა იმანაც, რომ საქართველოში ელექტროენერგია საკმაოდ იაფია, რადგანაც ბოლო რამდენიმე წლის განმავლობაში, ინფლაციის გათვალისწინებითაც კი, მისი ტარიფი არ გაზრდილა.
შეგახსენებთ, რომ საქართველომ მეზობელ ქვეყნებში ელექტროენერგიის ექსპორტიორი 2007 წლიდან დაიწყო.