"ქრისტიან-დემოკრატების" ლიდერები ბათუმის ოფისში დღეს აჭარის უმაღლესი საბჭოში, ბათუმსა და ავტონომიური რესპუბლიკის რაიონების საკრებულოებში ქდმ-ს დეპუტატებს შეხვდნენ. პარტიის ადგილობრივმა წარმომადგენლებმა განხორციელებული სამუშაოებისა და ღონისძიებების შესახებ. 2011 წლის ანგარიში წარმოადგინეს. გიორგი თარგამაძის განცხადებით, ბათუმის და მთლიანად აჭარის პრობლემების მოგვარებაში საკუთარი წვლილის შეტანა "ქრისტიან-დემოკრატებისთვის" ერთ-ერთი უმთავრესი პრიორიტეტია.
"აჭარაში მიწების საკუთრების საკითხიდან დაწყებული საბავშვო ბაღებში საფასურის გადახდით დასრულებული ჩვენ აქტიურად ვმუშაობთ ყველა საკითხზე და გაგვაჩნია ალტერნატიული წინადადებები, რაც შეამსუბუქებს ადგილობრივი მოსახლეობის ცხოვრების პირობებს. აჭარაში ჩვენი პარტიის ლიდერები და წარმომადგენლები ყოველდღიურ რეჟიმში ჩართულნი არიან რეგიონის პოლიტიკურ ცხოვრებაში და ბევრი საკითხის დადებითად გადაწყვეტაც მოახერხეს" - განაცხადა გიორგი თარგამაძემ.
მისივე თქმით, აჭარის პრობლემებზე უახლოეს დღეებში აუცილებლად იქნება საუბარი პრეზიდენტთან საპარლამენტო დებატების ფორმატში.
