ბუნებრივი რესურსების სააგენტოს თანამშრომლების შეიარაღებას სპეცილური საშუალებებიც დაემატა. აღნიშნულთან დაკავშირებით, საქართველოს ენერგეტიკისა და ბუნებრივი რესურსების მინისტრის ბრძანება „ბუნებრივი რესურსების სააგენტოს შეიარაღებაში არსებული სამსახურებრივ-საშტატო ცეცხლსასროლი იარაღის, სპეციალური საშუალებებისა და საბრძოლო მასალის ნუსხის დამტკიცების შესახებ" უკვე ძალაშია.
მიღებული გადაწყვეტილებით, ბუნებრივი რესურსების სააგენტოს შეიარაღებაში არსებული სამსახურებრივ-საშტატო ცეცხლსასროლი იარაღის, სპეციალური საშუალებებისა და საბრძოლო მასალის ნუსხაში შედის -პისტოლეტი - შესაბამისი ვაზნებით; სასიგნალო საშუალებები - შესაბამისი ვაზნებით; სპეციალური საშუალებები, კერძოდ კი ხელბორკილი და შებორკვის სხვა საშუალება და რეზინის ხელკეტი.
შეგახსენებთ, რომ ბუნებრივი რესურსების სააგენტოს თანამშრომლები აქამდე მხოლოდ პისტოლეტი და სასიგნალო საშუალებებით იყვნენ აღჭურვილები.
