კომპანია, რომელიც მაღალკალორიულ Snickers-ს და Twix-ს აწარმოებს, შეწყვეტს 250 კალორიაზე მეტი შეცველობის შოკოლადის პროდუქტების გაყიდვას.
კომპანია Mars Inc-ის წაემომადგენლებმა განაცხადეს, ეს არის პროგრამის ნაწილი, რომელიც საკვები პროდუქტების შემადგენლობისა და ხარისხის გასაუმჯობესებლად მიიღეს. კერძოდ, შეზღუდვები შეეხება Snickers-ს, რომელიც 540 კალორიას შეიცავს და ზოგიერთი სახეობის Twix-ს.
Mars, Incorporated ამერიკული სასურსათო კომპანია. Mars Inc -ფლობს შემდეგ სავაჭრო მარკებს: M&M's, Snickers, Dove (შოკოლადი),Mars, Extra, Orbit. ცხოველთა საკვების წარმოების დარგში - Pedigree, Royal Canin და Whiskas, თითოეული ბრენდის ღირებულება მილიარდ დოლარს აჭარბებს.
კომპანიის პორტფელიდან ორი ბრენდის Juicy Fruit და Spearmint ასაკი 100 წელზე მეტია, ხოლო შვიდი ბრენდის Milky Way, Snickers, Mars, M&M's, Doublemint, Uncle Ben's და Whiskas ასაკი 50 წელზე მეტი.
Forbes-ის მონაცემებით, Mars Inc მფლობელი ოჯახის წევრები პლანეტის მილიარდერთა სიაში 27-ე,28-ე და 46-ე ადგილს იკავებენ.
კომპანიის მხრიდან პრესისთვის ინფორმაციის დახურვის გამო, შეუძლებელია ზუსტად წარმოვიდგინოთ მარსის ოჯახის წევრების ჩართვის ხარისხი ბიზნესის მართვაში. თუმცა ცნობილია, რომ მრავალწლიანი მმართველები ჯონ და ფორესტ მარსები ფორმალურად გადადგნენ და მართვა პოლ მაიკლს გადასცეს.