დიდუბის პანთეონში ვიდეოკამერების დამონტაჟდება. ამის შესახებ "ჯი-ეიჩ-ენს" პანთეონის დირექტორმა, ბადრი ქუთათელაძემ განუცხადა.
"ჯაბა იოსელიანის საფლავთან მომხდარი ინციდენტის შემდეგ მერიასთან მქონდა სიტყვიერი შეთანხმება, რომ ვიდეოკამერები დავამონტაჟოთ პანთეონში, რათა მსგავსი ქმედება აღმოიფხვრას. ასევე, გაზაფხულზე სარემონტო სამუშაოებს ვგეგმავთ", - აღნიშნა "ჯი-ეიჩ-ენთან" საუბარში ქუთათელაძემ.
შეგახსენებთ, რომ დიდუბის პანთეონში უცნობმა პირებმა ჯაბა იოსელიანის საფლავზე 90-იანი წლების ამსახველი ფოტოები დატოვეს. იოსელიანის საფლავთან მსგავსი ფაქტი 2008 წელსაც მოხდა, რომლის შემდეგაც ერთი კვირის განმავლობაში საფლავზე ადგილობრივი პოლიცია მორიგეობდა.
