დღეს, 16 თებერვალს, სამოქალაქო მოძრაობა "ქართულ-აფხაზური და ქართულ-ოსური სახლის" ლიდერი ნესტან კირთაძე ნატოს სამოკავშირეო ოფისის ხელმძღვანელს უილიამ ლაჰიუს შეხვდა.
შეხვედრაზე განხილული იქნა პოსტ კონფლიქტური საქართველოს მდგომარეობა და მთავარი ყურადღება დაეთმო ახალ სამშვიდობო ინიიატივებს და კონკრეტულ პროექტებს, რომელთა შორის განსაკუთრებულ ინტერესს იწვევს სოციალლური და ეკონომიკური შინაარსის პროექტები.
ნატოს სამოკავშირეო ოფისის ხელმძღვანელმა უილიამ ლაჰიუმ უაღრესად დადებითი შეფასება მისცა ახალი სამოქალაქო მოძრაობის სამშვიდობო სტრატეგიას და ინსტიტუციას და ხაზგასმით აღნიშნა, რომ მშვიოდბას ალტერნატივა არააქვს.
შეხვედრაზე მხარეებმა ისაუბრეს საქართველოში დღეს შექმნილ რეალურ ვითარებაზე და მათი საქმიანობის გეგმებზე.
"სამოქალაქო მოძრაობის "ქართულ-აფხაზური და ქართულ-ოსური სახლის" მოქმედების პირველი ეტაპი გახლავთ სწორედ ის, რომ საერთაშორისო თანამეგობრობამ იცოდეს საქართველოში ახალი სამოქალაქო მოძრაობისა და ინსტიტუციის არსებობის სესახებ. სწორედ ასეთი შეხვედრების დროს იკვეთება ახალი შესაძლებლობები, ახალი კონტაქტები და თანამშრომლობის კონკრეტული ფორმები, რაც შესაძლებლობას მოგვცემს უახლოეს მომავალში გადავიდეთ კონკრეტულ საქმიანობაზე და განვახორციელოთ კონკრეტული რპოექტები", - განაცხადა ნესტან კირტაძემ შეხვედრის დასრულების შემდეგ.
ნესტან კირთაძე აგრძელებს საერთაშორისო ორგანიზაციებთან, დიპლომატიურ კორპუსებთან და ელჩებტან შეხვედრებს, რათა საერთაშორისო თანამეგობრობამ ზუსტად და მკაფიოდ იცოდეს ახალი სამოქალაქო მოძრაობის "ქართულ-აფხაზური და ქართულ-ოსური სახლის" გეგმების შესახებ, რომლის Mმთავარი მიზანია - განხორციელდეს ქართველ და აფხაზ და ქართველ და ოს ხალხებს შორის ნდობისა და ურთიერთობების აღდგენა, პროგრამით - "ხალხი ხალხისათვის."
