მართვის მოწმობის აღების დროს პრაქტიკული გამოცდის ჩაბარება მარტივდება. ცვლილებების შესახებ რუსთავის მომსახურების სააგენტოში საგანგებო ბრიფინგი გამართა საქართველოს შინაგან საქმეთა მინისტრმა ვანო მერაბიშვილმა. მისი თქმით, პროცესს თანამედროვე აპარატურა დაარეგულირებს. საგამოცდო ავტომანქანა და მოედანი ელექტრონული სენსორებით აღიჭურვა.
ცვლილება პირველი მატიდან ამოქმედდება.
"თუ აქამდე მხოლოდ თეორია ბარდებოდა კომპიუტერთან, დღეს ჩვენ პრაქტიკული გამოცდის ჩაბარება დავნერგეთ კომპიუტერთან. ჩვენ აღვჭურვეთ ჩვენი მოედნები სენსორული თანამედროვე დანადგარებით და კომპიუტერთან ხდება პრაქტიკული გამოცდი ჩაბარება. სიახლე დაინერგება 1-ლი მარტიდან. რაც ყველაზე მთავარია, გამოცდის პროცესის ჩაბარების ჩაწერა მოხდება სპეციალურ მონაცემებში და ჩვენი ვებგვერდის მეშვეობით ყველა დაინტერესებულ პირს საშუალება ექნება ნახოს, როგორ აბარებს კონკრეტული პროვნება მართვის მოწმობის გამოცდებს. ამავე დროს, მინდა გითხრათ, რომ კომპიუტერში გათვალისწინებულია რამდენიმე მცირე შეცდომაც. მას გააჩნია გარკვეული რეზერვები შეცდომების. მთლიანად ამ სისტემაში დაინერგა თავიდან ბოლომდე ავტომატიზირებული სისტემა. ეს არის კიდევ ერთი გადადგმული ნაბიჯი ახალი ტექნოლოგიების, ახალი ტექნოლოგიებისაკენ. ჩვენ არ გავჩერდებით და კვლავაც გავაგრძელებთ ჩვენი სისტემის სრულყოფას. ასეთი ტიპის პროცედურები მსოფლიოს მხოლოდ ერთ ქვეყანაში იყო დანერგილი და სამხრეთ კორეაში. საქართველო არის მეორე ქვეყანა სადაც ასეთი ტექნოლოგიები დაინერგა", - განაცხადა მერაბივიშვიმა.
