თბოელექტოსადგურის მშენებლობის შესახებ ხელშეკრულება დღეს ქართულ და თურქულ კომპანიებს შორის უკევ გაფორმდა. "საქართველოს ინდუსტრული ჯგუფსია" და თურქული კომპანია " MIMSAN group "-ს შორის გაფორმებული ხელშეკრულება გარდაბანში ნახშირზე მომუშავე თბოელექტროსადგურის მშენებლობას ითავლისწინებს, რომლის დადგმული სიმძლავრეც 160 მეგავატი იქნება.
როგორც "საქართველოს ინდუსტრიული ჯგუფის" დირექტორმა ნათია თურნავამ განაცხადა, თბოელექტროსადგური წელიწადში 1 მილიარდ კილოვატ საათ ელეტქროენერგიას გამოიმუშავებს და ელექტროენერგიით მოამარაგებს როგორც ადგილობრივ ბაზარს, ასევე დაგეგმილია ელექტროენერგიის ექსპორტზე გატანა.
თურნავას განცხადებით, თბოელექტროსადგურის მშენებლობაზე 300-მდე ადამიანი დასაქმდება, ხოლო მისი ექსპლუატაციაში შესვლის შემდეგ 100 მუდმივი სამუშაო ადგილი შეიქმნება.
თურნავას განმარტებით, ამ დროისათვის პროექტი ჯერ კიდევ მუშაობის სტადიაშია, თუმცა თბოელექტროსადგურის მშენებლობა 100 მილიონ დოლარზე მეტი დაჯდება. მისივე თქმით, ამ დონის და ამ სიდიდის თბოელექტროსადგური საქართველოში არ არსებობს და პროექტი მნიშვნელოვანია იმითაც, რომ ის მთლიანად ადგილობრივი ნახშირით მომარაგდება, რომელიც ტყიბულში იწარმოება.