„დღეს ჩვენი ერთ-ერთი მთავარი პრიორიტეტია, რომ ბიზნესის ჩართულობა გაიზარდოს, იმ ღონისძიებებში, რომელიც ქვეყნის შიგნითა და საზღვარგარეთ ეწყობა. ეს ღონისძიებები რეალურად გახლავთ ყველაზე კარგი ინსტრუმენტი იმისათვის, რომ ჩვენი ბზინესი კიდევ უფრო კარგად წარმოჩინდეს. პალატამ გადაწყვიტა, რომ საინვესტიციო სააგენტოსთან ერთად ჩვენი ღონისძიებების ჰარმონიზება მომხდარიყო, რაც საგრძნობლად გაზრდის ბიზნესჩართულობას და უფრო მეტი ბიზნესმენი შეძლებს ისარგებლოს ამ სერვისებით. ჩვენ უკვე გავაკეთეთ1 წლიანი კალანდარი, რომლის მიხედვითაც ბიზნესისთვის ადრეულ სტადიაშივე იქნება ცნობილი თუ რა ღონისძიებები იგეგმება. ამასთანავე მცირდება ხარჯები, რადგანაც საინვესტიციო ღონისძიებები ერთობლივად გაიმართება. უცხოეთის ღონისძიებები ამ მიმართულებით მნიშვნელოვანია, თუმცა არანაკლებ მნიშვნელოვანია რეგიონალური ღონისძიებებიც"- განაცხადა სავაჭრო-სამრეწველო პალატის პრეზიდენტმა კახა ბაინდურაშვილმა.

როგორც ეროვნული საინვესტიციო სააგენტოს ხელმძღვანელი ქეთი ბოჭორიშვილი განმარტავეს, გეგმის მიხედვით მოხდება ხელსაყრელი ბიზნესკლიმატის პოპულარიზაცია სავაჭრო-სამრეწველო პალატასთან აქტიური თანამშრომლობით. ფორუმების, კონფერენციების, გამოფენების ორგანიზება და მონაწილეობა საქართველოში და საზღვარგარეთ საერთაშორისო ფინანსური ინსტიტუტებისა და პარტნიორების თანამონაწილეობით (EBRD; E&Y; Deloitte).

ბოჭორიშვილის განმარტებით, საინვესტიციო სააგენტომ უკვე შეარჩია 15 ქვეყანა სადაც ჩატარდება საერთაშორისო ბიზნეს ფორუმები და ქართული კომპანიების წარმომადგენლებს საშუალება მიეცემათ დაამყარონ სასურველი ბიზნეს კონტაქტები. სამიზნე ქვეყნებს შორისაა უკრაინა, ყაზახეთი, სომხეთი, აზერბაიჯანი, აშშ, კანადა, ინდოეთი და სხვა.