"დემოკრატიული მოძრაობის" თავმჯდომარე და „სახალხო კრების" აღმასრულებელი საბჭოს წევრი ნინო ბურჯანაძე, საქართველოს კათოლიკოს - პატრიარქს, უწმინდესსა და უნეტარესს ილია მეორეს ეწვია. საუბარი შეეხო ქვეყანაში შექმნილ მდგომარეობას. ქალბატონმა ნინომ უწმინდესსა და უნეტარესს, საკუთარი მოსაზრებები გააცნო საქართველოში არსებულ პოლიტიკურ მდგომარეობაზე და საგარეო გამოწვევებზე.
„ჩემთვის ყოველთვის მნიშვნელოვანი იყო და არის მის უწმინდესობასთან საუბარი, მისი აზრის მოსმენა, როგორც ქვეყანაში მიმდინარე მოვლენებთან დაკავშირებით, ასევე ქვეყნის მომავალი განვითარების საკითხებზე. აქვე აუცილებლად უნდა აღინიშნოს, ისეთ ბრძენ ადამიანითან, როგორიც მისი უწმინდესობა გახლავთ, ყოველთვის მნიშვნელოვანია ურთიერთობა, განსაკუთრებით პოლიტიკოსებისათვის, რათა სწორად იქნას დანახული, თუ რა სჭირდება ჩვენს სამშობლოს დღეს". - განაცხადა შეხვედრის დამთავრების შემდეგ ნინო ბურჯანაძემ.