გამოჩენილი ფოლკლორისტი, პროფესორი ალექსი ჭინჭარაული გარდაიცვალა". ჭინჭარაული თსუ-ის არნოლდ ჩიქობავას სახელობის ენათმეცნიერების ინსტიტუტის თანამშრომელი, გამოჩენილი ენათმეცნიერი, ფოლკლორისტი, ტექსტოლოგი, ფილოლოგიის მეცნიერებათა დოქტორი იყო.
ალექსი ჭინჭარაული 1925 წლის 25 დეკემბერს დუშეთის რაიონის, სოფელ შატილში დაიბადა. 1955 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიური ენების განყოფილება. 1958 წელს დაამთავრა ენათმეცნიერების ინსტიტუტის ასპირანტურა და მუშაობა ლექსიკოლოგიის განყოფილებაში დაიწყო.
ჭინჭარაულს გამოქვეყნებული აქვს ორას ორმოცდაათამდე გამოკვლევა და წაკითხული მოხსენების თეზისები. მათ შორის: "ხევსურულის თავისებურებანი" (მონოგრაფია), "ვაჟა-ფშაველას მცირე ლექსიკონი", "ვაჟა-ფშაველას თხზულებათა ტექსტის დადგენისათვის", "აკაკი შანიძე - მთის მკვლევარი", "ვეფხისტყაოსნის ენისა და ტექსტის საკითხები","ხევსურული ლექსიკონი". იყო გელათის მეცნიერებათა აკადემიის აკადემიკოსი.
