კატასტროფის მედიცინის ცენტრის ბრიგადამ ყვარლის საავადმყოფოდან 1,8 წლის ბავშვი თბილისში, იაშვილის სახელობის ბავშვთა კლინიკაში გადაიყვანა. ბავშვმა წნევის წამლები დალია. ექიმების თქმით, მისი ჯანმრთელობის მდგომარეობა სტაბილურად მძიმეა.
„გოგონა საავადმყოფოში სოფელ შილდიდან შემოიყვანეს. მას ბებიის წნევის წამლები ჰქონდა მიღებული, თუმცა კონტაქტური იყო. რეანიმაციული პირველადი დახმარება გავუწიეთ და მკურნალობას დაემორჩილა. მისი მდგომარეობა სტაბილურად მძიმე იყო და კატასტროფის მედიცინის ცენტრის ბრიგადის გამოძახება დაგვჭირდა. ბავშვი თბილისში გადაიყვანეს", - განუცხადა კახეთის საინფორმაციო ცენტრს ყვარლის რაიონული საავადმყოფოს დირექტორმა ზვიად დუშმანაშვილმა.
