თბილისის საკრებულოს "ქრისტიან-დემოკრატი" დეპუტატი ზაზა გაბუნია მიესალმება თბილისის მერიის ინიციატივას, რომლის მიხედვით უსახლკაროთათვის თავშესაფრები გაიხსნება.
"მართალია ჯობდა ქალაქის მერიას უფრო ადრე გამოეჩინა ამ მხრივ ინიციატივა, თუმცა მივესალმები ამ გადაწყვეტილებას, რადგან ეს ჩვენი ინიციატივა იყო რითიც რამდენიმე დღის წინ მივმართე ქალაქის მერიას, რომ მას მეტი მზრუნველობა გამოეჩინა იმ ადამიანების მიმართ, რომლებიც რისკ-ჯგუფებს წარმოადგენენ, მათ შორის კი უპირველესად უსახლკაროები უნდა მოვიაზროთ, რადგან მათ სიცოცხლეს ცივი ამინდები და ყინვები პირდაპირ უქმნის საფრთხეს. ვიმედოვნებ, რომ თავშესაფრებით გათვალისწინებული მომსახურების მიღმა არ დარჩება არცერთი უსახლკარო მოქალაქე", - განაცხადა ზაზა გაბუნიამ.
