თბილისის კლინიკები საგანგებო რეჟიმში მუშაობას განაგრძობენ. თბილისის მერიის, გიგი უგულავას ინიციატივით ყველა იმ ადამიანის მკურნალობას, ვინც უამინდობის გამო ტრამვული დაზიანება მიიღო მერია დააფინანსებს. პროგრამის ფარგლებში ამ ეტაპზე მკურნალობის კურსს 250 ადამიანი გადის.
გიგი უგულავამ თბილისის მე-5 კლინიკურ საავადმყოფოში დღეს ის პაციენტები მოინახულა, რომელებმაც სხეულის დაზიანებები უამინდობის შედეგად მიიღეს. მათ შორის სამი უსახლკარო რეანიმაციაში სხეულის ძლიერი მოყინვის გამო მკურნალობს, ხოლო 9 დაზარალებული სტაციონარში წევს. თითოეული მათგანის მკურნალობას მერია აფინანსებს.
