პრეზიდენტი გლდანის სასჯელთაღსრულებლის დაწესებულებაში მივიდა, სადაც მან
ახლადაშენებული საზოგადოებრივი მისაღები დაათვალიერა.
პრეზიდენტს საზოგადოებრივი მისაღებში არსებული სერვისები სასჯელაღსრულებლის მინისტრმა გააცნო.
"ცოტა დრო დაეთმობა ლოდინს და ამიერიდან პატიმართა ახლობლების მიღება ბევრად უფრო კომფორტულ გარემოში მოუწევთ. პრაქტიკულად ეს არის სერვისებზე ორიენტირებული შენობა, რომელიც ამარტივებს მომსახურეობას. დამატებითი სერვისის სახით სისხლის სამართლის საქმეზე იურიდიული დამხარება შედის, მათთვის ვისაც არ აქვს საშუალება დაიქირაოს პირადი ადვოკატი", - განაცხადა ხათუნა კალმახელიძემ.
"ყველა ისედაც უბედურ დღეში ჩაყარეს იმის გამო, რომ დანაშაული ჩაიდინეს და ხშირ შემთვევაში ოჯახები ამის გამო ისედაც უმძიმეს მდგომარეობაში არიან. აქ, ამ ოჯახებს მაინც უნდა გავუმარტივოთ ცხოვრება. განსხვავება ძველ სისტემას და იმას რასაც ჩვენ ვქმნით არის, ასევე გარეთ დარჩენილი ოჯახებს როგორ ვუადვილებთ ცხოვრებას და არსებობას. ყველაზე დიდი დამცირება იყო აქ ყოველთვის, მისაღები ამანათები, ასე რომ თქვენ ხართ ახალი სახე ამ სისტემაში. იმიტომ რომ სისტემა იყო დამცირებაზე, გამწარებაზე ორიენტირებული და ამით საზრდოობდა და ამით სიამოვენბას იღებდნენ. ეს კი სულ სხვა რაღაცაა და ძალიან მნიშვნელოვანი გაგრძელებაა ჩვენი სისტემების. ჩვენ ყველაფერი უნდა გავაკეთოთ რომ პატიმრების რაოდენობა შევამციროთ. თუ ისე გამოვიდა, რომ მას აქვს დანაშაული და ის იზოლირებული უნდა იყოს საზოგადოებისგან, მათი ოჯახები მაინც უნდა იყვნენ ამით მინიმაურად დაზარალებულები. ისინი ციხიდან გამოსვლის შემდეგ კვლავ, რომ არ დაბრუნდნე ამისთვის ოჯახები უნდა დახვდნენ ნორმალურად ამისთვის ოჯახები უნდა იყვნენ ღირსების პირობებში ", - განაცხადა პრეზიდენტმა.
საზოგადოებრივ მისაღებში შესაძლებელია მსჯავრდებულებთა პატიმრის წინასწარი რეგისტრაცია. დამატებითი სერვისის სახით კი ვიზიტორებისთვის უფასო ინტერნეტი, საბავშვო კუთხე, უსაფრთხო იურიდიული კონსულტაცია და საინფორმაციო დაფაა გათვალისწინებული. იარსებებს ასევე, ონლაინ და სატელეფონო საინფორმაციო სისტემა. მისაღებში მათ მაღალკვალიფიცირებული კონსულტანტები მოემსახურებათ, რომლებმაც რამდნეიმე ეტაპიანი სპეციალური მომზადების პროგრამა გაიარეს.
