კახეთში მოსულმა დიდმა თოვლმა კიდევ ერთი ოჯახი საცხოვრებელი სახლის გარეშე დატოვა.
თელავის რაიონის სოფელ კისისხებში ციბაძეების საცხოვრებელი სახლი დიდთოვლობის გამო ჩამოინგრა.
როგორც ოჯახის წევრები აცხადებენ, სახურავმა დიდთოვლს ვერ გაუძლო, რასაც სახლის მეორე სართულის ნგრევაც მოყვა.
ინციდენტის დროს სახლში ოთხი ადამიანი იმყოფებოდა, თუმცა მათ სახლის დატოვება დროულად მოასწრეს.
აღსანიშნავია, რომ ბოლო რამდენიმე კვირის განმავლობაში დიდთოვლობის გამო კახეთში რამედენიმე სახლი დაინგრა.
