16 თებერვალს სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე იერუსალიმში გაემგზავრება.
ამის შესახებ კათოლიკოს-პატრიარქმა დღეს, ყოვლადწმინდა სამების საკათედრო ტაძარში საკვირაო ქადაგების დასასრულს ბრძანა.
მისი თქმით, იერუსალიმში მასთან ერთად სასულიერო პირთა დიდი დელეგაცია მიემგზავრება.
ამასთან, პატრიარქმა მრველს მოსახსენიბლების დაწერა სთხოვა, რომ იერუსალიმში შესძლონ მოხსენიება.
"მინდა გთხოვოთ, დაწეროთ თქვენი მოსახსენიებლები და იერუსალიმში მოიხსენიებთ თქვენს ახლობლებსა და თქვენს თავს", - მიმართა მრევლს პატრიარქმა.
ილია მეორის თქმით, იერუსალიმში გამგზავრებამდე 15 თებერვალს უფლის მირქმის დღესასწაულია, შესაბამისად 14 თებერვალს, საღამოს იქნება ლოცვა, ხოლო, 15 თებერვალს დილით სადღესასწაულო წირვა, რომელსაც თავად პატრიარქი აღავლენს.
