დღეს ახალგაზრდა ქრისტიან-დემოკრატები, გაგუას სახელობის სამშობიაროს ეწვივნენ და ლეიკემიით დაავადებულ ბავშვთათვის უანგაროდ გაიღეს სისხლი.
როგორც "ჯი-ეიჩ-ენს" ქრისტიან-დემოკრატიული მოძრაობიდან აცნობეს, აღნიშნულ ღონისძიებაში მონაწილეობა 20-მდე ახალგაზრდა ქრისტიან-დემოკრატმა მიიღო .
ახალგაზრდა ქრისტიან-დემოკრატები აღნიშნული ღონისძიებით შეუერთდნენ წლინახევრის საბა ტყებუჩავას დახმარების აქციას, რომელსაც ექიმებმა მწვავე ლეიკემიის დიაგნოზი დაუსვეს. პატარა ძალიან მძიმე მდგომარეობაშია, მას სასწრაფოდ ესაჭიროება დიდი რაოდენობით სისხლი , რაც მხოლოდ დონორების გზით შეიძლება მიეწოდოს.
ახალგაზრდა ქრისტიან-დემოკრატების განმარტებით მათი მიზანია წვლილი შეიტანონ სისხლის ბანკის მარაგის შევსებაში და დაეხმარონ ყველა მსგავსი ტიპის დაავადების მქონე ბავშვს.
მსგავსი სოციალური სახის პროექტების განხორციელებას ახალგაზრდა ქრისტიან-დემოკრატები უახლოეს მომავალშიც გეგმავენ
