დღეს, 9 თებერვალს, 6 წლის წინ მოკლული ზურაბ ვაზაგაშვილის დაბადების დღესთან დაკავშირებით, სანაპიროზე აქცია გაიმართება. აქცია ორგანიზებულია ახალგაზრდული ორგანიზაციების მიერ. მასში მონაწილეობას ზურაბ ვაზაგაშვილის ოჯახის წევრები და ახლობლებიც მიიღებენ. ვაზაგაშვილი 9 თებერვალს 28 წლის გახდებოდა.
მისი მკვლელობიდან 6 წელი გავიდა. 2006 წელს სანაპიროზე, კორტებთან ჩატარებულ სპეცოპერაციას ორი ახალგაზრდის, ზურაბ ვაზაგაშვილისა და ალექსანდრე ხუბულოვის სიცოცხლე ემსხვერპლა. სამართალდამცავების განცხადებით, ვაზაგაშვილი და ხუბულოვი დანაშაულის ჩასადენად ემზადებოდნენ.
