ჭავჭავაზის გამზირზე ვითიბი ბანკის ახალი ფილიალი გაიხსნა, რომელიც კლიენტებს საოპერაციო მომსახურებას ყოველდღე 24 საათის განმავლობაში შეთავაზებს. ასევე ფიზიკური და იურიდიული პირები ვაკის ფილიალში საბანკო პროდუქტების სრული სპექტრით ისარგებლებენ. ფილიალში გაკეთდა Private Banking-ის მომსახურების ზონა, რაც ინდივიდუალური პირობებით ექსკლუზიურ საბანკო მომსახურებას გულისხმობს და ძირითადად მაღალშემოსავლიან სეგმენტზეა გათვლილი. ახალ ფილიალში 19 ადამიანი დასაქმდა.
ვაკის ფილიალში ვითიბი ბანკმა კიდევ ერთი სიახლე დანერგა, Private Banking-ის ზონაში პერიოდულად ქართველი მხატვრების ნამუშევრები გამოიფინება. ფილიალის გახსნაზე ცნობილი ფერმწერის მამუკა ცეცხლაძის ტილოების გამოფენა მოეწყო.
ვითიბი ბანკი(ჯორჯია)-ს ვაკის ფილიალი დღეს თბილისის მერმა გიგი უგულავამ და ვითიბი ბანკის გენერალურმა დირექტორმა არჩილ კონცელიძემ გახსნეს.
2012 წელს, ვითიბი ბანკის ძირითადი პრიორიტეტი, ფიზიკური პირების, მცირე და საშუალო ბიზნესის დაკრედიტებაა. ამ პროექტის განვითარებისთვის განახლდა არსებული და გაიხსნა ახალი ფილიალები, შემუშავდა და დაინერგა ახალი პროდუქტები.
ამჟამად თბილისში ბანკის 10 ფილიალი ფუნქციონირებს.
