ოდესაში სპეცოპერაციის დროს რუსეთის ორი მოქალაქე დააკავეს. დაკავებულები ტერორისტული აქტის ორგანიზებაში არიან ეჭვმიტანილები, იუწყება უკრაინული მედია.
სპეცოპერაცია საათზე მეტი გრძელდებოდა. ამ ხნის განმავლობაში რამოდენიმე კვარტალი ბლოკირებული იყო.
დასტურდება, რომ დაკავების დროს არც ერთი გასროლა არ ყოფილა. დაკავებული მამა-შვილი ჩრდილოეთ კავკასიის მცხოვრებნი არიან.
მათი დაკავება 2012 წლის დასაწყისში ოდესაში მომხდარ ხანძართან და აფეთქებასთან არის დაკავშირებული. წლის დასაწყისში იყო აღძრული სისხლის სამართლის საქმე ტირასპოლის ქუჩაზე მომხდარ ხანძართან დაკავშირებით, რომლსაც 26 წლის რუსეთის მოქალაქე ემსხვერპლა და მძიმედ დაშავდა 28 წლის ყაზახეთის მოქალაქე.
მაშინ სამართალდამცავებმა განაცხადეს, რომ აფეთქება ბუნებრივი აირის გაჟონვამ გამოიწვია.
