რეფორმების მიმართ მხოლოდ საზოგადოებისა და მთავრობის ერთიან მიდგომას შეუძლია ხელშესახები შედეგების მოტანა. ამის შესახებ საქართველოს პრეზიდენტმა მიხეილ სააკაშვილმა მიუნხენში, უსაფრთხოების კონფერენციაზე განაცხადა.
" რეფორმების მიმართ მხოლოდ საზოგადოებისა და მთავრობის ერთიან მიდგომას შეუძლია ხელშესახები შედეგების მოტანა. სასამართლოს, პოლიციის, საგადასახადო, საბაჟო, პოლიტიკური კლასის, საარჩევნო კოდექსის, განათლების სისტემის რეფორმა ინდივიდუალურად, ცალ-ცალკე არ უნდა გატარდეს. ეს ერთი პოლიტიკის ნაწილია და არ არსებობს განცალკევებული მიდგომა", - განაცხადა სააკაშვილმა.
მისი თქმით, დემოკრატია საფრთხეს წარმოადგენს იდენტურობისთვის.
"რა თქმა უნდა, დემოკრატია საფრთხეს წარმოადგენს იდენტურობისთვის რადგან არსებობს ცდუნება რომ ვთქვათ: აი ასეთია ჩვენი იდენტურობა და ვერ გადავუხვევთ მას. ტრანსფორმაცია ასევე ცვლის შენი იდენტურობის აღქმას და მოაქვს მენტალური რევოლუცია. შეუძლებელია ჩვენ ვიცოდეთ წინასწარ როგორ პროგრესს მივაღწევთ", - აღნიშნა პრეზიდენტმა.
