ყველაზე ძვირადღირებულ ხელოვნების ნიმუშად პოლ სეზანის "ბანქოს მოთამაშეები" იქნა აღიარებული, რომელიც აუქციონზე ¼ მილიარდ დოლარად გაიყიდა.
დახურული აუქციონი ჯერ კიდევ შარშან ჩატარდა, რომლის დეტალებიც ახლახანს გახდა ცნობილი. პოლა სეზანის ნამუშევარზე მსოფლიოს საუკეთესო დილერები ნადირობდნენ. ნახატის მფლობელს - ბერძენ მილიარდერს არ უნდოდა მასთან დაშორება, მაგრამ გარდაცვალებამდე ცოტა ხნით ადრე მან თავისი გადაწყვეტილება შეცვალა.
აუქციონზე ყატარის ემირის წარმომადგენლებმა კონკურენტებს აჯობეს.
მედიის წარმომადგენელთა შეფასებით ნამუშევრის შეძენა არა მარტო კარგი ინვესტიციაა, არამედ სტრატეგიულად მნიშვნელოვანი გადაწყვეტილებაა.
ბოლო ხანს ყატარში რამოდენიმე მსხვილი მუზეუმი გაიხსნა, იგი კულტურული ცენტრის სტასტუსის მოპოვებას ცდილობს. მსგავსი შეძენებით ყატარის კოლექციები შესაძლოა ოდესმე ნიუ-იორკის "მეტროპოლიტენის" ან პარიზის დ'ორსე-ს მუზეუმის კოლექციებს გაუტოლდეს.
