ჟენევაში გაეროს განყოფილების ბიბლიოთეკის ხელმძღვანელმა დავით ჩიკვაიძემ და ჟენევაში გაეროს განყოფილებასთან და სხვა საერთაშორისო ორგანიზაციებთან საქართველოს მუდმივმა წარმომადგენელმა ზურაბ ჭიაბერაშვილმა ხელი მოაწერეს ურთიერთგაგების მემორანდუმს, რომელიც ჟენევაში გაეროს განყოფილების ბიბლიოთეკაში დაცულ ხარიტონ შავიშვილის არქივის დიგიტალიზაციას და სრული ასლის საქართველოში ჩამოტანას ითვალისწინებს. პროექტი ხორციელდება საქართველოს იძულებით გადაადგილებულ პირთა, განსახლებისა და ლტოლვილთა მინისტრის კობა სუბელიანის ხელშეწყობითა და საქართველოს პარლამენტის წევრის, მაჟორიტარი დეპუტატის კობა ნაყოფიას თანადგომითა და დაფინანსებით, რომელიც ზემოთაღნიშნულ იდეასა და შეთავაზებას უყოყმანოდ და სიამოვნებით დათანხმდა.
პროექტი ხორციელდება საქართველოს იძულებით გადაადგილებულ პირთა, განსახლებისა და ლტოლვილთა მინისტრის კობა სუბელიანის ხელშეწყობითა და საქართველოს პარლამენტის წევრის, მაჟორიტარი დეპუტატის კობა ნაყოფიას თანადგომითა და დაფინანსებით, რომელიც ზემოთაღნიშნულ იდეასა და შეთავაზებას უყომანოდ და სიამოვნებით დათანხმდა.
ხარტონ შავიშვილი ( 1886 ბახვი - 1975 ჟენევა) იყო საქართველოს დემოკრატიული რესპუბლიკის წარმომადგენელი ერთა ლიგაში. ბოლშევიკური რუსეთის მიერ საქართველოს დემოკრატიული რესპუბლიკის ოკუპაციის შემდეგ იგი ჟენევაში დარჩა და არაერთხელ გამოვიდა ერთა ლიგის სხდომაზე საბჭოთა კავშირის მძფარი კრიტიკით. 1991 წელს ხარიტონ შავიშვილის არქივს საერთაშორისო მნიშვნელობა მიენიჭადა მთლიანად ჟენევაში გაეროს განყოფილების ბიბლიოთეკაში იქნა თავმოყრილი. ჟენევაში სახლს, სადაც ქართელი ემიგრანტი სიცოცხლის ბოლო წლებში ცხოვრობდა, მემორიალური დაფა ამშვენებს: «აქ ცხოვრობდა ხარიტონ შავიშვილი, რევოლუციონერი, მწერალი და ერთა ლიგასთან საქართველოს დემოკრატიული რესპუბლიკის წარმომადგენელი (ფრანგულ ენაზე), იცოცხლა სამშობლოსთვის (ქართულ ენაზე)» .
