"ქართული ოცნების" ახალგაზრდულმა ორგანიზაციამ პარლამენტის წინ საპროტესტო აქცია გამართა. აქცია ზურაბ ჟვანიას გარდაცვალებიდან 7-წლისთავთან დაკავშირებით გაიმართა.
"ქართული ოცნების" წარმომადგენლის, ამ დრომდე პასუხგაუცემელი რჩება კითხვები ზურაბ ჟვანიას გარდაცვალებასთან დაკავშირებით.
"ზურაბ ჟვანიას გარდაცვალებიდან 7 წელი გავიდა და ამ დრომდე საზოგადოებას კვლავ აქვს პასუხგაუცემელი კითხვები, საქმის გამოძიება კი დასრულებული არ არის. მოვითხოვთ საქმის ობიექტურ გამოძიებას და რეალობის დადგენას", - განაცხადა ზურაბიანმა.
მისი თქმით, საქმე ბუნდოვანი და გამოუძიებელია და სამოქალაქო საზოგადოება არ შეეგუება შერჩევით მართლმსაჯულებას და უსამართლობას.
""ქართული ოცნების" ახალგაზრდული ფრთა პერმანენტულად გამართავს სხვადასხვა სახის საპროტესტო აქციებს, რომელიც მიმართული იქნება უკანონობის აღმოსაფხვრელად საქართველოში. მთავარია, გაიაზროს მმართველმა გუნდმა, რომ მსგავსი ტიპის მოვლენები ვერ იქნება მივიწყებული, მიჩუმათებული. სამოქალაქო საზოგადოება "ქართული ოცნების" ახალგაზრდული ფრთა ბოლომდე დაიცავს თითოეული ადამიანის უფლებას", - განაცხადა ზურაბიანმა.
