თბილისში, თაბუკაშვილის ქუჩაზე ნაპოვნი საეჭვო ჩემოდანი ცარიელი აღმოჩნდა. ამის შესახებ "ჯი-ეიჩ-ენს" საქართველოს შინაგან საქმეთა სამინისტროს პრესსამსახურის ხელმძღვანელმა, ზურაბ გვენეტაძემ განუცხადა.
მისი თქმით, დაახლოებით ერთი საათის წინ ჩემოდანი მოქალაქემ იპოვა, რომელმაც საპატრულო პოლიციას შეატყობინა. გვენეტაძის ინფორმაციით, ადგილზე გამოცხადდა პატრული და განაღმვითი სამსახური, რომლებმაც გახსნეს ჩემოდანი და ის ცარიელი აღმოჩნდა.
