საქართველოს პრეზიდენტმა ვიცე-პოლკოვნიკი ალექსანდრე ტუღუში ვახტანგ გორგასლის I ხარისხის ორდენით დააჯილდოვა. ავღანეთში დაჭრილი ქართველი სამხედრო მოსამსახურე მიხეილ სააკაშვილმა ამერიკაში ვიზიტის დროს მერილენდის სამხედრო ჰოსპიტალში მოინახულა. სამხედრო სამედიცინო ცენტრში ვიცე-პოლკოვნიკი ალექსანდრე ტუღუში რეაბილიტაციის კურსს გადის.
ქართველ სამხედროსთან ერთად საქართველოს პრეზიდენტმა ამერიკელი სამხედრო მოსამსახურეებიც დააჯილდოვა. ავღანეთში მებრძოლ ორ ამერიკელ ჯარისკაცს, რომლებიც ჰელმანდის პროვინციაში ქართველებთან ერთად მსახურობდნენ პრეზიდენტმა გენერალ კვინიტაძის სახელობის ჯილდოები გადასცა.
