აჭარის ა.რ მთავრობის თავმჯდომარე, ლევან ვარშალომიძე ფრანკფურტში შეხვდა გერმანიის სახელმწიფო ბანკ „KfW"-ს აღმასრულებელი კომიტეტის წევრ ნორბერტ კლოპენბურგს. მოგვიანებით მან მოლაპარაკებები გამართა „KfW"-ს სათაო ოფისშიც. ბანკის ხელმძღვანელობასთან საუბარი შეეხო როგორც მიმდინარე, ასევე სამომავლო პროექტებსაც.
„KfW"-სთან აჭარას ნაყოფიერი თანამშრომლობის დიდი გამოცდილება აქვს. გერმანიის სახელმწიფო ბანკის თანადაფინანსებით ბათუმის წყლისა და კანალიზაციის სისტემების სტრული რეაბილიტაცია და გაფართოება მიმდინარეობს, რაც 2017 წელს დასრულდება. პროექტის საერთო ღირებულება 116 მილიონ ევროს შეადგენს.
ლევან ვარშალომიძე ფრანკფურტში ბათუმის საკრებულოს თავმჯდომარე გიორგი კირთაძესთან და მერის მოადგილე დავით სამნიძესთან იმყოფება, სადაც „KfW"-ს მიერ წყლის რესურსების მართვის თაობაზე ორგანიზებულ სიმპოზიუმს ესწრებიან.
