ბორის მჟავის ერთ პროცენტზე მეტი შემცველობის მედიკამენტები სიცოცხლისთვის საშიშია. მსოფლიო ჯანდაცვის ორგანიზაციის რეკომენდაციით, საქართველოს სამედიცინო რეგულირების სამსახური პრეპარატებზე შეზღუდვას აწესებს.
სპეციალისტებმა საქართველოს ბაზარზე შემოტანილი წამლები შეისწავლეს და ბორის მჟავის გადამეტებული რაოდენობა თეიმუროვის მალამოში, ასევე თვალისა და ცხვირის წვეთებში აღმოაჩინეს.
დასახელდა მწარმოებელი კონკრეტული ფირმებიც - „ნეოფარმი" და „აუბიოტიკი". ასევე ორი რუსული კომპანია „ჰიმო-ფტორგი" და „ზელიონაია დუბროვა". როგორც დადგინდა, ნორმაზე მეტი ბორის მჟავა აზიანებს ღვიძლს, თირკმელს და სხვა ორგანოებს. განსაკუთრებით საშიშია ბავშვებისთვის.
