ბრძანების თანახმად, დევნილთა და ლტოლვილთა ორგანიზებულად განსახლების ობიექტების ადმინისტრაციის საყოფაცხოვრებო და კომუნალური მომსახურების ხარჯები ერთ დევნილზე და ლტოლვილზე თბილისში თვეში არა უმეტეს 10.2 ლარით, ხოლო საქართველოს სხვა რეგიონებში - არა უმეტეს 5 ლარით განისაზღვრა.

ზემოთ აღნიშნული თანხები შემდეგნაირად გადანაწილდება - დევნილთა და ლტოლვილთა ორგანიზებულად განსახლების ობიექტების ადმინისტრაციის ხარჯი 2 ლარით განისაზღვრება, საყოფაცხოვრებო კომუნალური მომსახურების ხარჯის ოდენობა განისაზღვრება შესაბამის ადმინისტრაციულ ერთეულში დადგენილი ტარიფის (მოსაკრებლის) ოდენობით, მაგრამ არა უმეტეს: თბილისში მოხმარებული წყლის მიწოდებისა და ჩანადენი სითხის გატარება-გაწმენდის მომსახურებისათვის - 3.15 ლარი, საქართველოს სხვა რეგიონებში 2.50 ლარი, ნარჩენის გატანისათვის -თბილისში 5.0, ხოლო საქართველოს სხვა რეგიონებში 0.45 ლარი; დეზინფექცია-დერატიზაციისათვის - 0.05 ლარი.

ამასთან, დევნილთა და ლტოლვილთა ორგანიზებულად განსახლების ობიექტების ადმინისტრაციამ ხელშეკრულება დახმარებების მისაღებად უნდა გაფორმოს 2012 წლის 1 დეკემბერის ჩათვლით.

ბრძანება ვრცელდება 2012 წლის 1-ლი იანვრიდან წარმოშობილ ურთიერთობებზე.