თურქეთის სანაპიროსთან ტვირთმზიდი ხომალდი "ვერა" ჩაიძირა. ტელეკომპანია "რუსთავი 2"-ის ინფორმაციით, გემზე 10 ადამიანი იმყოფებოდა, მათ შორის ერთი იყო საქართველოს, დანარჩენები კი უკრაინის მოქალაქეები.
ბოლო მონაცემებით, ჯერჯერობით მაშველებმა მხოლოდ სამი წევრის, მზარეულის, მეორე და მესამე კაპიტნების გადარჩენა მოახერხეს, დანარჩენებს კი ჯერ ისევ ეძებენ.
გემს, რომელიც რუსეთიდან თურქეთის ალიაგას პორტში მიცურავდა, ჯართი გადაჰქონდა. წინასწარი მონაცემებით, მისი კატასტროფა უამინდობამ და შტორმმა გამოიწვია.
