აშშ-ს სახელმწიფო დეპარტამენტი საკუთარ მოქალაქეებს საქართველოს ოკუპირებულ ტერიტორიებზე მოგზაურობისგან თავის შეკავებას ურჩევს. ამის შესახებ დღეს გამართულ ტრადიციულ პრესკონფერენციაზე საქართველოს საგარეო საქმეთა მინისტრის მოადგილემ დავით ჯალაღანიამ განაცხადა. მისი თქმით, სახელმწიფო დეპარტამენტმა აშშ-ს მოქალაქეებისთვის საკუთარ ვებ.გვერდზე გამოაქვეყნა საქართველოში მოგზაურობის თაობაზე ინსტრუქციები, სადაც საფრთხეებიც არის ასახული.

"ამერიკის სახელმწიფო დეპარტამენტის ვებ.გვერდზე გამოქვეყნდა საქართველოში მოგზაურობის თაობაზე შესაბამისი ინსტრუქციები, სადაც უფრო დახვეწილია და რეალობასთან მოახლოებულია ის საფრთხეები თუ მიმზიდველი პირობები, რომელიც ელოდება აშშ-ს მოქალაქეს ჩვენს ქვეყანაში ვიზიტისას. მათ შორის საფრთხედ არის გამოყოფოლი ჩვენი ორი ოკუპირებული ორი ტერიტორიის საკითხი. აშშ-სა ხელმწიფო დეპარტამენტი საკუთარ მოქალაქეებს აღნიშნულ ტერიტორიებზე მოგზაურობისგან თავის შეკავებას ურჩევს", - განაცხადა ჯალაღანიამ.

მისი თქმით, აღსანიშნავია, რომ საქართველოს ეს 2 ტერიტორია მოხსენიებულია, როგორც ოკუპირებულ ტერიტორიებად.