საქართველოს კულტურისა და ძეგლთა დაცვის მინისტრი, ნიკოლოზ რურუა ანკარაში თურქეთის კულტურისა და ტურიზმის მინისტრს შეხვდა. ქართველი სპეციალისტების თანამონაწილეობით, თურქეთის ტერიტორიაზე მდებარე ქართული კულტურული მემკვიდრეობის ძეგლებს, იშხანსა და ოშკს, რესტავრაცია ჩაუტარდება.
"ჩვენს ქვეყანასა და საქართველოს შორის მჭიდრო ეკონომიკური და პოლიტიკური ურთიერთობა არსებობს და გვინდა ეს თანამშრომლობა გავაღრმავოთ კულტურისა და ტურიზმის სფეროში. ორივე ქვეყანაში არის კულტურული ძეგლები, წლების განმავლობაში მიდიოდა მოლაპარაკება მათი რესტავრაციის შესახებ და დღეს უკვე კონკრეტულ შედეგამდე მივედით. ჩვენ ვიღებთ ვალდებულებას, აღვადგინოთ იშხანი და ოშკი ქართველი სპეციალისტების მეთვალყურეობითა და დახმარებით", - განაცხადა თურქმა მინისტრმა ერთუღრულ უნაიმ.
შეთანხმების შედეგად, უახლოეს მომავალში, საქართველოს ტერიტორიაზე არსებული თურქული კულტურის ძეგლების რესტავრაციაც დაიწყება.
