გაეროს განვითარების პროგრამის (UNDP) ადმინისტრატორის მოადგილემ რებეკა გრინსპანმა იმედი გამოთქვა, რომ საქართველოსთან თანამშრომლობის ფარგლებში საბოლოოდ მოხდება სამთავრობო და საპარლამენტო სექტორის განვითარება.
"საქართველოში საზოგადოებრივი ცხოვრების ბევრ სფეროში უზარმაზარი პროგრესია მიღწეული. გვსურს, მომავალში ვითანამშრომლოთ და უფრო განვითარებული ვნახოთ ისეთი სფეროები, როგორცაა სამთავრობო და საპარლამენტო სექტორის განვითარება, ადგილობრივი თვითმმართველობის განმტკიცება, გენდერული თანასწორობა, დემოკრატიული ინსტიტუტების გაღრმავება, ინფრასტრუქტურისა და ურბანული, სოფლის ტიპის დასახლებების განვითარება", - აღნიშნა გრინსპანმა პარლამენტის თავმჯდომარე დავით ბაქრაძესთან შეხვედრის დასრულების შემდეგ გამართულ ბრიფინგზე.
თავის მხრივ, ბაქრაძემ იმედი გამოთქვა, რომ გაეროს განვითარების პროგრამასთან თანამშრომლობა გაგრძელდება, რისი შედეგიც საქართველოში უფრო მეტი პოზიტიური რეფორმა იქნება.