საქართველოს პარლამენტის თავმჯდომარე დავით ბაქრაძე იმედს გამოთქვამს, რომ შვეიცარია შესძლებს საქართველო-რუსეთის საზღვარზე ტვირთების სრულყოფილ მონიტორინგს.
შვეიცარიის საგარეო საქმეთა დეპარტამენტის დელეგაციასთან შეხვედრის შემდეგ ბაგრაძემ განაცხადა, რომ შვეიცარიის მხარემ მნიშვნელოვანი როლი შეასრულა მსოფლიო სავაჭრო ორგანიზაციასთან დაკავშირებულ მოლაპარაკებებში და ახლა ქართული მხარისთვის უფრო მნიშვნელოვანია, რომ მიღწეული შეთანხმება სრულფასოვნად შესრულდეს.
„შვეიცარიას აქვს გადამწყვეტი მნიშვნელობა და ფუნქცია ტვირთების მონიტორინგის საკითხში და ჩვენთვის მნიშვნელოვანია, რომ მოხდეს ტვირთების სრულფასოვანი მონიტორინგი ქართულ-რუსული საზღვარზე. ასევე საქართველოს ჰქონდეს სრული ინფორმაცია სავაჭრო ბრუნვის თაობაზე, როგორც ამას მიღწეული შეთანხმება ითვალისწინებს", - დასძინა ბაქრაძემ.
გარადა ამისა, პარლამენტის თავმჯდომარის შეფასებით, ასევე დიდი მნიშვნელობა აქვს ჟენევის მოლაპარაკებებში შვეიცარიის მონაწილეობას, რომელიც ამ დროისთვის ერთადერთი პოლიტიკური ფორმატია, სადაც ქართულ და რუსულ მხარეებს შორის მოლაპარაკებები მიმდინარეობს.
ამასთან, შეხვედრაზე მხარეებმა ასევე ისაუბრეს ორ ქვეყანას შორის არსებულ თანამშროლმობაზე, მათ შორის დევნილებისა და სოფლის დახმარების პროგრამაზე, რომელიც შევიცარული მხარის დაფინანსებით ხორცილდება.