გიორგი თარგამაძე და პარტიის საერთაშორისო მდივანი გიორგი რუხაძე ვაშინგტონში, ამერიკის შეერთებული შტატების სახელმწიფო დეპარატამენტში კავკასიის საკითხთა და რეგიონული კონფლიქტების დეპარტამენტის უფროსს ჯასტინ ფრიდმანსა და საქართველოს შესახებ მომუშავე ჯგუფის წევრებს შეხვდნენ. "ქრისტიან დემოკრატების" ლიდერმა ქვეყანაში მიმდინარე მოველენებზე, საქართველოსთვის უსაფრთხოების უფრო მაღალი ხარისხის გარანტიებზე, კონკურენტული წინასაარჩევნო გარემოს მნიშვნელობაზე ისაუბრა და ამერიკელი კოლეგების შეფასებები მოისმინა.
"ეს ვიზიტი ამერიკული მხარის ინიციატივით ხორციელდება და მნიშვნელოვანია, რომ აშშ-ს ადმინისტრაციას აქვს საშუალება მოისმინოს ოპოზიციის მოსაზრება საქართველოში მიმდინარე პროცესების შესახებ მანამ, ვიდრე საქართველოს ხელისუფლების პირველ პირებს შეხვდება" - განაცხადა თარგამაძემ.
შეხვედრები უკვე გაიმართა აშშ-ს ეროვნულ-დემოკრატიულ და რესპუბლიკურ ინსტიტუტებშიც. ქდმ-ს ლიდერმა ამერიკის ყველაზე გავლენიან არასამთვრობო ორგანიზაციებს საქართველოში არსებული პრობლემები და მათი გადაწყვეტის ქრისტიან-დემოკრატიული ხედვა გააცნო.
ქდმ-ს ლიდერების ვიზიტი ვაშინგტონში 3 თებერვალს დასრულდება. დაგეგმილია შეხვედრები სენატსა და წარმომადგენელთა პალატაში, ასევე - ქართულ დიასპორასთან. გიორგი თარგამაძე მიწვეულია საუზმეზე აშშ-ს პრეზიდენტ ბარაქ ობამასთან.