„მოქალაქეთა პოლიტიკურ გაერთიანებების" შესახებ კანონში ცვლილებების გათვალისწინებით, დაფინანსების მისაღებად საარჩევნო სუბიექტის მიერ მიღებული ხმების რაოდენობა მრავლდება სამზე და იყოფა საარჩევნო სუბიექტებში შემავალ პოლიტიკურ გაერთიანებების რაოდენობაზე.

შესაბამისად ყველაზე მეტი დაფინანსება „ნაციონალურ მოძრაობას" ერგო, რომელმაც 2010 წლის 30 მაისის თვითმართველობის არჩევნებზე ხმების 65,75% მიიღო.

მმართველი პარტიის შემდეგ ყველაზე მეტს ბიძინა ივანიშვილის პოლიტიკურ გუნდთან დაახლოებული პარტიები „თავისუფალი დემოკრატები", „ხალხის პარტია", „კონსერვატორები" და „რესპუბლიკელები" ჯამში - 445 316 ლარს მიიღებენ, ხოლო ცალ-ცალკე ალასანიას და უსუფაშვილის პარტიები 117 405 - 117 405 ლარს და ძიძიგურის და დავითაშვილის პარტიები 105 253 ლარებს.

ამასთან, „ქრისტიან-დემოკრატები" „ქრისტიან დემოკრატების სახალხო პარტიასთან" ერთად ჯამში - 400 ათას ლარს მიიღებენ, ასევე „მრეწველები" - 213 912 ლარს, „სამართლიანი საქართველოსთვის" ასევე 115 253 ლარს, „ევროპელი დემოკრატები" - 200 ათასი ლარს და ასევე 200 ათას ლარს მიიღებენ „ახალი მემარჯვენეები".

საერთო ჯამში კი პოლიტიკური პარტიებისთვის საარჩევნო კამპანიის დროს სატელევიზიო რეკლამის დასაფინანსებლად სახელმწიფო 2 229 291 ლარს გამოყოფს.

„მოქალაქეთა პოლიტიკური გაერთიანებების შესახებ" კანონში ცვლილებების ინიცირება პარლამენტში თებერვლის დასაწყისში მოხდება.