მახათას მთაზე მშენებარე ღვთისმშობლის ტაძრის მშენებლობაში კულტურის წარმომადგენლები ერთვებიან. როგორც "ჯი-ეიჩ-ენს" მხატვარმა რუსუდან ფეტვიაშვილმა განუცხადა, 12-კაციანმა სათათბირომ პაატა ბურჭულაძის თავმჯდომარეობით, ტაძრის მშენებლობისთვის სპონსორები უნდა მოიძიოს.
"საბჭოს წევრებს გვევალება, ტაძრის მშენებლობის შესახებ ხალხის ყურამდე მივიტანოთ ინფორმაცია და ისინი ჩაერთონ მის მშენებლობაში. ეს უნდა იყოს ნებაყოფლობითი. ჩემთან ერთად არიან ელდარ შენგელაია, ნანუ სუხიშვილი, ნიკა მემანიშვილი, თავად პაატა ბურჭულაძე და ა.შ.. ჩვენ სხვადასხვა ორგანიზაციასთან ვთანამშრომლობთ, ასევე გამოფენებზე, კონცერტებზე და საღამოებზე მოსულ სტუმრებს ვუყვებით მშენებლობის შესახებ. ამით ვცდილობთ ბევრი ადამიანი ჩავრთოთ ტაძრის მშენებლობაში", - განაცხადა ფეტვიაშვილმა.
მახათას მთაზე მშენებარე ტაძრის მშენებლობაში კულტურის წარმომადგენლების ჩართვა საქართველოს კათალიკოს-პატრიარქის, ილია მეორის კურთევით ხორციელდება.
