ვიცე პრემიერ-მინისტრი გიორგი ბარამიძე სამუშო ვიზიტით გერმანიაში, გარმიშ-პარტენკირხენში გაემგზავრა, სადაც „ჯორჯ მარშალის სახელობის უსაფრთხოების საკითხთა ევროპული ცენტრის" მიერ სპეციალური სტუმრის სტატუსით მიწვეულია კონფერენციაზე "არაბული რევოლუციური გარდაქმნა - რა იქნება შემდეგ?". კონფერენციაში მონაწილეებს გიორგი ბარამიძე საქართველოში წარმატებით განხორციელებულ და მიმდინარე რეფორმებს გააცნობს.
ამერიკულ-გერმანული სპეციალური მომზადების სასწავლო ცენტრი ჩრდილოეთ ამერიკის, ევროპის, ევრაზიისა და მის ფარგლებს გარეთ მაღალი რანგის სახელმწიფო მოხელეებსა და სამხედროებს საერთაშორისო უსაფრთხოებისა და თავდაცვის სფეროში პროფესიული განვითარებისა და გამოცდილების გაზიარების საშუალებას აძლევს.
