23 იანვარს, 11.00 საათზე ივანე ჯავახიშვილის სახელობის თბილისის სახელმწიფო უნივერსიტეტში გაიმართება თსუ-ის სამეცნიერო-პოპულარული ორენოვანი ჟურნალის „თსუ მეცნიერება" პირველი ნომრის პრეზენტაცია. როგორც „ჯი-ეიჩ-ენს" თსუ-დან აცნობეს, პრეზენტაციას დაესწრებიან განათლებისა და მეცნიერების მინისტრი დიმიტრი შაშკინი, თსუ რექტორი ალექსანდრე კვიტაშვილი, პარლამენტის წევრები, სამეცნიერო წრეების წარმომადგენლები.
ჟურნალი „თსუ მეცნიერება" ბოლო წლებში გამოცემული პირველი სამეცნიერო-პოპულარული ჟურნალია, რომელიც პოპულარულ ენაზე გვიამბობს თსუ-ში მიმდინარე საერთაშორისო მნიშვნელობის სხვადასხვა სამეცნიერო მიმართულების კვლევებზე.
ჟურნალი „თსუ მეცნიერება" წელიწადში ორჯერ გამოვა და მასში საქართველოში, კერძოდ, თსუ-ში მიმდინარე იმ უახლესი სამეცნიერო კვლევების შესახებ იქნება საუბარი, რომელთაც უკვე მოიპოვეს საერთაშორისო აღიარება, მიღებული აქვთ სამეცნიერო გრანტები, გამოქვეყნებულია მაღალრეიტინგულ საერთაშორისო სამეცნიერო ჟურნალებში, გაკეთებულია მოხსენებები საერთაშორისო სამეცნიერო კონფერენციებზე.
მასალის გამოყენების პირობები
