ჯვრის უღელტეხილზე მოძრაობა უახლოეს დღეებში აღდგება. რეგიონალური განვითარებისა და ინფრასტრუქტურის სამინისტროს ინფორმაციით, ჯვრის უღელტეხილზე გზის გაწმენდითი სამუშაობი უკვე დაიწყო, რომელიც ხვალც გაგრძელდება. ადგილზე მობილიზებულია სპეციალური ტექნიკა.
ამასთან, გაწმენდითი სამუშაოები ასევე კობი-გუდაურის მონაკვეთზეც მიმდინარეობს, თუმცა ზვავსაშიშროების გამო როდის აღდგება ტრანსპორტის მოძრაობა ჯერჯერობით უცნობია, თუმცა გუდაურამდე მისასვლეი საავტომობილო გზა გახსნილია.
სამინისტროს ინფორმაციით, საქართველოს დანარჩენ რეგიონებში რაიონულ ცენტრებთან მისასვლელ გზებზე მოძრაობა თავისუფალია.
შეგახსენებთ, რომ უხვი ნალექის გამო გუდაური-კობის გზის მონაკვეთი რამდენიმე დღის წინ ჩაიკეტა. თოვლმა გზაზე გადადგილების პრობლემები ქვეყნის თითქმის ყველა მაღალმთიან რაიონში შექმნა.
